monumenta.ch > Ambrosius > sectio 104
Word Selection for Searching
Report an Error in this Sectio
Ambrosius, De Officiis Ministrorum, 2, 21, 104
Quod Abrahae laudi est datum, qui ante ianuam suam speculabatur, ne forte praeteriret peregrinus aliquis: et diligenter praetendebat excubias, ut occurreret, ut praeveniret, ut rogaret, ne transiret hospes, dicens: Domine, si inveni gratiam ante te, ne praeterieris puerum tuum . Et ideo pro hospitalitatis mercede fructum posteritatis recepit.